مدونة جعفر عبد الكريم الخابوري

تعالى اقولك لما الصياد بيجى يصطاد سمكة بيعمل اية...
فى البداية لازم الصياد يكون صبور وعنده طوله بال معاه ادوات الصيد كلها كاملة وشغالة ويكون عارف هو عاوز يصطاد اى نوع من انواع السمك.. ومحتاج سناره كبيرة ولا صغيرة ولا محتاج شبكة يدوى ولا كهرباء وهكذا... ويكون عارف هو عاوز يصطاد سمكة كبيرة ولا صغيرة....بتمشى لوحدها فى البحر ولا فى تجمعات واسراب.. عشان يكون مجهز الطعم المناسب ليها لان كل سمكه وليها الطعم بتاعها...عشان لما يرمى الطعم المناسب تشبك فية السمكة المناسبة.... كل دا بيحصل جوه الميه...
وبره المية كمان .. هقولكوا ازاى
برة المية عالبر هتلاقى ناس صيادين وناس سمك
الصياد بيبقى منشن على ضحية اللى هى السمكة اللى ماشية فحالها فى الدنيا ويبدا يدرسها ويجهزلها عده الصيد... ويجهز الطعم المناسب سواء بقا فلوس ولا اهتمام ولا كلام حلو ولا حنيه ولا استغلال نفوذ ولا جمال ولا اغراء... الخ
عشان السمكة الضحية تنجذب وتتشد وتتعلق بسرعة وتشبك فى السنارة و... تتاكل
لو اخلاقك وقيمك متسمحلكش تكون صياد...
بلاش تخلى سذاجتك وطيبتك يخلوك سمكه..